सोलापूर (प्रतिनिधी) - यंदा सोलापुरातील तापमानाचा पारा 43 पार गेला आहे. त्यामुळे नागरिकांनी घराबाहेर पडण्यापूर्वी योग्य ती काळजी घेण्याची गरज आहे.
सोलापूर जिल्ह्यात दरवर्षी मे महिना उष्णतेचा नवा उच्चांक गाठताना दिसतोय. यंदा मे महिन्यात चाळीशीपार कायम आहे.
वाढतं तापमान, धूळ, धुळीचे वावटळ, वातावरणातील उकाडा यामुळे सोलापूरकर हैराण झाले आहेत.
सोलापुरात काल 22 मे रोजी कमाल तापमान 43 अंश सेल्सिअसवर पोहोचलं होतं.
आज सोलापुरात सकाळी 9 वाजल्यापासूनच उन्ह वाढायला सुरुवात होत आहे. त्यामुळे नागरिकांनी उष्माघातासारखे प्रकार टाळण्यासाठी दुपारी बाहेर पडणे टाळावे.
शेतकऱ्यांनीही शेतीची कामे सकाळी व सायंकाळी करावीत. दुपारच्या उन्हात शक्यतो सावलीत राहावे. बाहेर पडलाच तर डोक्यावर टोपी, रुमाल किंव एखादे कापड घ्यावे. तसेच पाणी भरपूर प्यावे, असे आवाहन करण्यात येत आहे.
वाढलेल्या तापमानाचा पशु-पक्ष्यांनाही त्रास होत आहे. त्यामुळे पाळीव प्राण्यांची योग्य ती काळजी घेण्याची गरज आहे. तसेच पक्षांसाठी काहीजण पाणी ठेवतानाही दिसत आहेत.
