पंढरपूर शहर गुन्हे शाखेची कारवाई
१२,७०,०००/- रुपये किंमतीच्या एकूण २६ मोटार सायकली केल्या जप्त
पंढरपूर (प्रतिनिधी) - पंढरपूर शहर पोलीस ठाणे येथे मोटार सायकल चोरीचे गुन्हे दाखल असून सदर गुन्हयाचे तपासकामी मा. डॉ. अर्जुन भोसले सो., उपविभागीय पोलीस अधिकारी, पंढरपूर विभाग, पंढरपूर व पंढरपूर शहर पोलीस ठाणेचे पोलीस निरीक्षक श्री. विश्वजीत घोडके यांच्या मार्गदर्शनाखाली गुन्हे प्रकटीकरण शाखेचे अधिकारी व अंमलदार हे तपास करीत असताना गुन्हे प्रकटीकरण शाखेचे श्री. प्रकाश भुजबळ, सहा. पोलीस निरीक्षक व त्यांचे पथकास बातमी मिळाली की, पंढरपूर तालुक्यातील भंडीशेगाव येथील रेकॉर्डवरील आरोपींनी सदरचा गुन्हा केला असल्याची गोपणीय बातमीदारामार्फत बातमी मिळाल्याने सदर आरोपीतास गुन्हे प्रकटीकरण शाखेचे पथकाने सापळा रचून त्यांना ताब्यात घेतले.
त्यांच्याकडे अधिक विश्वासात घेवून तपास केला असता त्यांनी सदरचा गुन्हा केला असल्याची कबुली दिल्याने त्यास सदर गुन्हयाचे तपासकामी अटक केली.
भंडीशेगाव, ता. पंढरपूर येथील आरोपीकडे चोरीच्या मोटार सायकली बाबत कौशल्यपूर्ण चौकशी केली असता चौकशी अंती त्यांने पंढरपूर शहर पोलीस ठाणे दाखल गुन्हयातील मोटार सायकली चोरी केल्याचे सांगुन त्याने मोटर सायकली काढुन दिल्या., तो सद्या न्यायालयीन कोठडीत आहे.
पंढरपूर शहर पोलीस ठाणेत गुन्हा दाखल असून सदर गुन्हयाचे तपासकामी गुन्हे प्रकटीकरण शाखेचे श्री. भुजबळ, सहा. पोलीस निरीक्षक व त्यांचे पथकास बातमी मिळाली की, सदरचा गुन्हा हा पंढरपूर शहर पोलीस ठाणे कडील रेकॉर्ड वरील आरोपीने केला आहे. सदरचा आरोपी हा अनिल नगर, पंढरपूर येथील आहे. त्यास गुन्हे प्रकटीकरण शाखेचे पथकाने सापळा रचून ताब्यात घेवून त्याच्याकडे अधिक चौकशी केली असता त्याने सोलापूर जिल्हयातील व इतर जिल्हयातील मोटार सायकली चोरुन त्या मोटार सायकली यातील साक्षीदार यांना दिल्याचे सांगितल्याने आम्ही सदर साक्षीदार यांच्याकडे चौकशी केली असता त्यांनी त्या मोटार सायकली आरोपीकडून घेतल्या असल्याचे सांगितले. तसेच सदर मोटार सायकली साक्षीदार यांनी पोलीस ठाणेस हजर केल्या आहेत.
सदर मोटार सायकली पुढील प्रमाणे गुन्हयातील आहेत. १) कुर्डवाडी पोलीस ठाणे, २) बार्शी शहर पोलीस ठाणे, ३) तुळजापुर पोलीस ठाणे, ४) तुळजापुर पोलीस ठाणे, ५) रांजन गांव पोलीस ठाणे पुणे ग्रामीण, ६) हडपसर पोलीस ठाणे, ७) कोतवाली पोलीस ठाणे जिल्हा अहमदनगर, ८) बारामती पोलीस ठाणे, ९) बारातमी पोलीस ठाणे,
१०) पंढरपुर तालुका पोलीस ठाणे, ११) मोहोळ पोलीस ठाणे, १२) पंढरपुर तालुका पोलीस ठाणे, १३) मंगळवेढा पोलीस ठाणे , तसेच ७ मोटार सायकलची चेंसी व इंजिननंबर खाडाखोड केल्याने माहिती मिळवण्याचे काम चालू आहे. तसेच सदर गुन्हयात निष्पन्न झालेला ०१ आरोपीस अटक करणे बाकी असुन आरोपीचा शोध चालु आहे.
एकुण २६ मोटर सायकली किंमत रू.१२,७०,०००/- जप्त करण्यात आलेल्या आहेत. सदरची कामगीरी ही पोलीस अधिक्षक मा. श्री. शिरीष सरदेशपांडे, अपर पोलीस अधिक्षक श्री. प्रितम यावलकर सोा, मा.श्री. डॉ. अर्जुन भोसले सोा., उपविभागीय पोलीस अधिकारी, पंढरपूर विभाग, पंढरपूर व वरिष्ठ पोलीस निरीक्षक, श्री. विश्वजीत घोडके यांचे मार्गदर्शनाखाली, गुन्हे प्रकटीकरण शाखेचे सपोनि प्रभाकर भुजबळ, सपोफौ राजेश गोसावी, सपोफौ नागनाथ कदम, पोहेकॉ शरद कदम, पोहेकॉ बिपीनचंद्र ढेरे, पोहेकॉ सुरज हैबाडे, पोहेकॉ सचिन हैबाडे, पोहेकॉ नवनाथ माने, पोहेकॉ गोडसे, पोकॉ समाधान माने, पोकॉ शहाजी मंडले, पोकॉ बजरंग बिचुकले, पोकॉ निलेश कांबळे, पोकों योगेश नरळे (सायबर पोलीस ठाणे) यांनी केली असून सदर गुन्हयांचा पुढील तपास पोलीस पोहेकॉ नवनाथ माने हे करीत आहेत.
