सोलापूर (प्रतिनिधी) - बेगमपूर येथे पंढरपूर सुरक्षा समितीचे सोलापूर जिल्हा उपाध्यक्ष श्री.दत्ताजीराव पाटील यांचा सन्मान पत्रकार सुरक्षा समितीचे सर्वेसर्वा यशवंत पवार व पत्रकार सुरक्षा समितीचे सर्व सदस्य यांचे हस्ते बेगमपूर येथे करण्यात आला. पत्रकार सुरक्षा समितीचे ध्येय धोरणे व पत्रकारांच्या समस्या यासाठी झटणार्या पत्रकार सुरक्षा समितीचे सर्वच सदस्य यांनी एकच ध्यास घेतला होता. या संघटनेच्या वतीने अनेक मोर्चे,आमरण उपोषण, तात्कालीन मेळावे यांचे आयोजन करण्यात आले असल्यामुळे अनेकांना यांचा फायदा झाला. निदेॅशने व उपोषण हे योग्यच असल्यामुळे शासन दरबारी यांची योग्य दखल घेतली व पञकार सुरक्षा समितीच्या महाराष्ट्र भर असणार्या पत्रकारांना यांचा दिलासा मिळाला.
यासाठी पत्रकार संघटनेचे अनेक पदाधिकारी व सदस्य संटनेसाठी कार्यरत असतात पण त्यांच्या कामाचा योग्य तो सन्मान व्हावा या उद्देशाने विशेष काम करणार्या सदस्याचा योग्य सन्मान करावा ही पत्रकार सुरक्षा समितीचे सर्वेसर्वा यशवंत पवार यांची भावना आहे. याच विचारांने अनेकांचा सन्मान स्मृतीचिन्ह व शाल श्रीफळ देऊन करण्यात आला.
पत्रकार सुरक्षा समितीच्या वतीने पंढरपूरातील पत्रकारांचे प्रश्न सोडविण्यासाठी अग्रेसर असणारे व सर्वाना सामावून घेणारे पत्रकार सुरक्षा समितीचे सोलापूर जिल्हा उपाध्यक्ष श्री. दत्ताजीराव पाटील यांची जिल्हास्तरीय आदर्श पत्रकार म्हणून सन्मानित करण्यात आले.
सदर प्रसंगी पत्रकार सुरक्षा समितीचे यशवंत पवार, रामभाऊ सरवदे, अक्षय बबलाद, सादिक शेख, अमर पवार, सुशिल वाघमारे,शंकर माने, अरूण सिडगिद्दी, रामकृष्ण बिडकर, तर आदर्श शिक्षक युसुफ तांबोळी,कृषीभुषण बाबुराव शिंदे, यांना सन्मानित करण्यात आले. पुरस्कार वितरण समारंभानंतर अल्पोहाराने या कार्यक्रमाची सांगता झाली.
