अभिजीत आबांनी तीस वर्षाची राजकीय मक्तेदारी संपुष्टात आणली......
"राजा का बेटा राजा नही बनेगा, जो काबील है वही राजा बनेगा !"
पंढरपूर (प्रतिनिधी) - माढा विधानसभा मतदार संघामधून 2024 निवडणुकीमध्ये अभिजीत आबा पाटील यांनी 30,204 मतांची आघाडी घेऊन विजय प्राप्त केला.
माढा विधानसभा मतदारसंघांमध्ये बबनदादा शिंदे यांची गेली 30 वर्षांपासून असलेली राजकीय मक्तेदारी आज रोजी संपुष्टात आली. बबन दादा माढा विधानसभा मधून त्यांनी केलेली विकास कामे सर्वसामान्य जनतेला नीट समजावून सांगू शकले नाहीत. राजकारणामध्ये जनसंपर्क हा कायमस्वरूपी राजकीय नेत्यांनी ठेवायला हवा होता तो जनसंपर्क बबनदादा शिंदे यांनी न ठेवल्याचे दिसून येते.
माढा तालुक्यामधून विविध विकास कामे त्याचप्रमाणे प्रचार यंत्रणा राबवण्यात देखील कमी पडल्याचे दिसून आले. अभिजीत आबा पाटील यांनी उसाचा दर जाहीर करून आणि काटा हा शेतकऱ्यांनी करून आणायचा त्याप्रमाणे बिल देण्यात येईल असे जाहीर करताच अभिजीत पाटील हे या माढा विधानसभेला निवडून येणार हे संकेत त्याचवेळी मिळाले होते. संपूर्ण कायापालट करण्याची अभिजीत आबा पाटील यांनी केलेली घोषणा तसेच याला सर्वसामान्य जनतेने दिलेला मतदान रुपी दुजोरा हेच या निवडणुकीच्या निकालांमधून दिसून येते.
अभिजीत पाटील म्हणाले, शेतकऱ्यांच्या पोराला माढ्यातील जनतेने आमदार केलं.. सर्वाचं मनापासून अभिनंदन..... आभार.....! हा विजय एकट्याचा नाहीतर तमाम माढा मतदारसंघातील मायबाप जनतेचा, सहकाऱ्यांचा, महाविकास आघाडीतील सर्व नेतेगणांचा विजय आहे.
अभिजीत आबा पाटील हे माढा विधानसभा मतदार संघाचा विकास करतील ही अपेक्षा बाळगून मतदारांनी मतदान केले आणि अभिजीत पाटील यांना विजयी केले.
अभ्यासू व विकसनशील असलेल्या आमदार अभिजीत आबा पाटील यांचे माढा व पंढरपूर मतदार संघात मोठ्या जल्लोषामध्ये स्वागत व अभिनंदन करण्यात येत आहे.
