पंढरपूर (प्रतिनिधी) - पंढरपूर मंगळवेढा मतदार संघात महाविकास आघाडी काँग्रेस पक्षlचे अधिकृत उमेदवार भगिरथ भालके यांच्या गावभेट दौरा दरम्यान मारोळी येथे खा. प्रणितीताई शिंदे यांची उपस्थिती सभेत मार्गदर्शन करते वेळी त्यांनी जनतेची भक्कम साथ ही विजयाची खात्री असते असे प्रतिपादन केले.
पुढे बोलताना त्या म्हणाल्या की, पंढरपूर मंगळवेढा विधानसभा मतदारसंघातील सर्व सामान्य जनतेला, युवा शेतकरी, कष्टकरी कामगार महिला युवा युवती यांच्या विश्वासाचा, हक्काचा उमेदवार भगिरथ भालके यांनी आपल्या सामाजिक व राजकीय जीवनात प्रभावीपणे काम केले आहे. जनतेच्या सुख दुःखात सहभागी होणारा लोकप्रतिनिधी म्हणून त्यांची मतदार संघात ओळख निर्माण केली आहे. म्हणूनच त्यांना जनतेतून भक्कम साथ मिळाली आहे.
पंढरपूर-मंगळवेढा विधानसभा मतदारसंघाच्या सर्वांगीण विकासासाठी येत्या २० नोव्हेंबर रोजी 'हाताचा पंजा ' या चिन्हासमोरील बटण दाबून प्रचंड बहुमताने विजयी करा असे त्यांनी उपस्थितांना आवाहन केले.
