पंढरपुर शहर पोलीस ठाणेचे गुन्हे अभिलेखावरील ०४ वाळु तस्कर महाराष्ट्र पोलीस कायदा कलम ५५ प्रमाणे हददपार..
पंढरपूर (प्रतिनिधी) - पंढरपूर शहर पोलीस ठाणे हददीतील अवैधपणे वाळु व्यवसाय करणारा वाळु तस्कर टोळीतील सराईत गुन्हेगार १) ग्यानबा दिपक धोत्रे, रा. जुनी वडार गल्ली, पंढरपूर, ता. पंढरपूर, जि. सोलापूर (टोळी प्रमुख), २) गणेश यलाप्पा बंदपटटे रा. सरगम चौक, जुनी वडार गल्ली, ता. पंढरपुर जिल्हा सोलापुर (टोळी सदस्य) ३) किरण माणिक धोत्रे रा. सरगम चौक, जुनी वडार गल्ली, ता. पंढरपुर जिल्हा सोलापुर (टोळी सदस्य) ४) बाळासाहेब अंकुश पवार रा. सरगम चौक, जुनी वडार गल्ली, पंढरपुर ता. पंढरपुर जिल्हा सोलापुर (टोळी सदस्य) यांचेविरूध्द वरिष्ठ पोलीस निरीक्षक श्री. विश्वजीत घोडके यांनी २ पेक्षा जास्त गुन्हे दाखल असल्यामुळे वरील प्रस्तावित हद्दपार इसमांवर प्रस्ताव तयार करून हद्दपारीचे कारवाईबाबत अहवाल सादर केला होता.
डॉ.अर्जुन भोसले साो उपविभागीय पोलीस अधिकारी पंढरपुर उपविभाग, पंढरपुर यांनी सदर हद्दपार करणेच्या संदर्भातील काम चालवुन सदरबाबतचा सविस्तर अहवाल मा. पोलीस अधिक्षक, श्री. अतुल कुलकर्णी साो सोलापुर ग्रामीण यांचेकडे सादर केला होता. त्या अनुशंगाने हद्दपार कामकाज चालवुन सदर टोळी प्रमुख व सदस्यांना मा. पोलीस अधिक्षक श्री. अतुल कुलकर्णी साो यांनी संपुर्ण सोलापूर जिल्हयातुन ५० दिवस कालावधीकरीता हद्दपार करण्यात आले असून हद्दपार इसम नामे १) ग्यानबा दिपक धोत्रे (टोळी प्रमुख), २) गणेश यलाप्पा बंदपटटे (टोळी सदस्य), ३) किरण माणिक धोत्रे (टोळी सदस्य), ४) बाळासाहेब अंकुश पवार (टोळी सदस्य) यांना ताब्यात घेवून सदर हद्दपार आदेश बजावण्यात आलेला आहे. यापुढेही पंढरपुर शहर पोलीस ठाणेचे गुन्हे अभिलेखावरील दोन पेक्षा जास्त दाखल गुन्हयातील वाळु तस्करांवर हद्दपार करणेसंदर्भातील कामकाज सुरू आहे.
सदरची कामगीरी श्री. अतुल कुलकर्णी साो, पोलीस अधिक्षक सोलापुर ग्रामीण, श्री. प्रितमकुमार यावलकर, अप्पर पोलीस अधिक्षक सोलापुर ग्रामीण, श्री. डॉ. अर्जुन भोसले साो, उपविभागीय पोलीस अधिकारी पंढरपूर विभाग, पंढरपूर व श्री. विश्वजीत घोडके साो, वरिष्ठ पोलीस निरीक्षक, पंढरपूर शहर पोलीस ठाणे यांचे मार्गदर्शनाखाली गुन्हे प्रकटीकरण शाखेचे सपोनि आशिष कांबळे, श्रे. पोसई राजेश गोसावी, पोलीस नाईक सचिन इंगळे, पोहवा प्रसाद औटी, पोकॉ दिगंबर भंडरवाड, पोकॉ अनिस शेख यांनी केली आहे.
